BALVE Joh. Cardinalis

BALVE Joh. Cardinalis

molitoris Virodunensis fil. Ludovici XI. Eleemosynarius, Episcopus Andegavensis factus est, accusatô prius Iohanne de Beauveau Euergetâ suô, tandem ope Regis, purpuram adeptus. Tam proclivi ad militiam animô, ut ipsemet militibus contra Ligam Boni publici conductis, stipendia solveret. Unde iocus Comitis Dammartini ad Regem rogantis, ut committeret sibi Ecclesiam regendam, siquidem Cardinalis militari munere fungeretur. Post quae perfidiae supectus, 11. annos in carcere detentus est, Papâ nequiquam reclamante; donec tandem Pontificii legati operâ dimissus est. Romam cum venisset, multum gratiae nactus est, a Sixto IV. mox Legatus a latere in Galliam remissus. Inde reversus, Episcopus Albanus, post Praenestinus, dein Protector Ordinis Melitensis, tandem Legatus Anconae evasit, ubi mortuus est. A. C. 1491. Phil. Cominaeus, Continuator Monstrelet. Rob. Gaguinus, P. Aemylius, Mezeray in Lud. XI. et Carolo VIII. Auberius, in Histor. Cardin. Spondan. A. C. 1465. n. 4. 1484. n. 4. et 1485. n. 3.